أنا أفريقي أنا سوداني

---

تعم أنا أفريقي أنا سوداني و أفتخر . . .
بحبك يا وطن

بحبك يا وطن بحب أرضك و نيلك
بحب ناسك و جندك و كل جمال شيلك
و بي اسمك أردد أنشودة حانية أستميلك
و لي رباك بعشق و مجدك مافي في الأوطان مثيلك
****
يا وطني السمح و أصيل العزة كاسيا رباكا
و العفة دوام ساسك و القوة ساكنة حداكا
انت للأوطان حكاية تحكي عن روعة فداكا
انت للجيران حمايا انت ما الاسلام لواكا
****
دمت في خير يا وطن و دامت الارواح حماك
نزرع الأفراح في أرضك و ننثر الزين في سماك
و نبقى ليك طول الزمن نفحة من نفحات شذاك
نغطي بالحب كل جوانبك و نبتهل كايسين رضاك
..........................................

أنا أفريقي أنا سوداني . . .

ارض الخيرافريقيا مكاني..
زمن النور و العزة زماني
فيها جدودي... جباهم عالية.... جباهم عالية..جباهم عااالية
مواكب ما بتتراجع تاني
اقيف قدامها و اقول للدنيا انا سوداني
انا افريقي انا سوداني
انا بلدي..بلد الخير و الطيبة
ارضو خزاين..فيها جناين
نجومه عيون للخير بتعاين
قمره بيضوي ما بغيب ابداً داايماً باين
نوره بيهدي ليالي حبيبة
عليها اغني و اقول للدنيا انا سودااني
انا افريقي انا سوداني
شمسك طلعت و اشرق نورها بقت شمسين
شمس العزة و نورها الاكبر
هلت شااامخة زي تاريخي قوية و رااسخة
ملت الدنيا و خيرنا بيكتر
خيرنا بيكتر خيرنا بيكتر
شمس ايماني بأوطاني
دا الخلاني اقول للدنيا انا سودااني
انا افريقي..انا سوداني